Капитенот на Тотенхем, Иго Лорис е опседнат со мислата неговиот тим да триумфира во Лигата на
Шампионите, за да му оддадат чест на неверојатната врска со менаџерот Маурисио Почетино.
Францускиот голман е главен дел од составот на „петлите“ во петте години под Почетино, кој стана
капитен на тимот.
Лорис е сметан за големиот лидер на теренот и во соблекувалната, а Аргентинецот застана цврсто
зад капитенот на тимот порано во сезоната, кога беше фатен како вози пијан по улиците на Лондон.
Лорис минатото лето направи голем гест кон Почетино откако му подари реплика од светски куп,
со кој стана шампион СП 2018 со Франција, а сега се наоѓа во канцеларијата на менаџерот. 32-
годишниот играч се надева дека неговиот тим ќе одигра силен финален натпревар во Лигата на
шампионите, во кој тимот од Лондон се соочува со Ливерпул во Мадрид на „Ванда Метрополитано“
на првиот ден од јуни. Фудбалерот верува дека ова ќе биде целосна благодарност кон стратегот.
„Јас сум исклучително благодарен на менаџерот за сè. Мислам дека може да се сретнете со таква
неверојатна личност во секој живот, а во мојот, тоа лице е Поцетино“, започна Лорис.
„Целиот тим е многу амбициозен и секојдневно работиме за да ја пренапишеме историјата на
клубот. Не можеме да победиме во Премиер Лигата во последните сезони, иако се справуваме
добро, но сепак стигнавме до Топ 4. Имаме голема шанса, меѓутоа, да ја освоиме Лигата на
Шампионите. Ова е најголемиот трофеј што можете да го освоите на ниво на клуб, а кога е пред вас,
треба да направите се што е во ваша моќ. Целиот тим, како и менторот, се опседнати со оваа
мисла“, продолжи тој.
„Многу е подобро кога вашиот однос со менаџерот е на толку добро ниво. Моите соиграчи се, исто
така, воодушевени од него, така што правиме се што можеме заедно“.
„По триумфот на Светското првенство, не очекував да бидам вклучен во финалето на Лигата на
шампионите, особено една година подоцна. Ова е убавината на фудбалот. Понекогаш те уништува,
но понекогаш тој е неопислив. Сè е во рамнотежа. Разликата е огромна од вицешампион и
шампион. Ако победиш, ти си на врвот на среќата, но ако изгубиш, ќе се чувствуваш катастрофално.
Добро е што секогаш учиш нешто ново. Ние сакаме правилно да го одиграме мечот и да го земеме
трофејот од Лигата на шампионите“, призна Хуго Лорис.
Францускиот голман е свесен за фактот дека може да ги крене двата најголеми трофеи во
фудбалот во рамките на помалку од една година.
„Ова ќе биде неверојатна година за мене, како што е за Франција, како може да е и за Тотенхем. За
моите соиграчи, тренери, навивачи. Сакаме да напишеме „златна“ страница во историјата на
Тотенхем, заврши капитенот на лондонскиот тим