Искусниот германски стручњак беше понуден на Фудбалската федерација на Србија, а за разговор со челниците на српскиот фудбалски клуб е заинтересиран поранешниот тренер на Херта, Баерн, Штутгарт, Фулам, Вердер, Ајнтрахт, Шалке, Волфсбург.
Германецот во изминатиот период имаше понуда да ја преземе селекцијата на Гана и Босна и Херцеговина, но и двете ги одби.
Сепак, Србија е многу поголем предизвик, па Феликс Магат без размислување го прифати разговорот со челниците на српскиот фудбалски клуб.
Германецот зад себе има доволно искуство кое би можело да и помогне на српската репрезентација во претстојната Лига на нации каде „орлите“ играат со Шпанија, Данска и со Швајцарија.
Точно е дека Магат не е човек за репрезентација, туку за клуб, но за тоа што и треба на Србија, Германецот го има – знаење, искуство и секако дисциплина, пишуваат српските медиуми.
Од друга страна, ФСС нема да брза да направи избор бидејќи е неопходно да се реши статусот на Драган Стојковиќ Пикси кој има цврст договор. Актуелниот селектор засега нема намера да поднесе оставка, но тоа е веќе прашање што ќе го решува Извршниот одбор во наредните денови.
Инаку, покрај Магат, на Теразија 35 планираат да разговараат и со уште двајца кандидати.
Едниот е исто така странец, додека другиот е локален, иако моментално работи во странство.
„Феликс Магат е заинтересиран за репрезентацијата на Србија. Точно е, првиот чекор, или ако сакате, е направен контакт меѓу двете страни. Станува збор за тренер со завидна тренерска кариера, кој верува дека би можел да направи многу добри работи со Србија“, потврди агентот на Феликс Магат.