Заклучно со 10.02.2023 година преку донаторските телефонските линии и од Фондот на солидарност на Црвен крст на РСМ се уплатени вкупно 16.095.831 денари за помош на Турција и Сирија после катастрофалните земјотреси што ги погодија двете земји, информираат од Црвениот крст.
Додаваат дека сите заинтересирани правни субјекти и граѓани можат да донираат парична помош на:
· Сметката на Фондот на солидарноста на Црвениот крст на РСМ: 300000001327966, даночен број: 4030984271620 АД Комерцијална банка со назнака: помош за населението во Турција и Сирија.
· како и да се донираат 100 денари со повик на телефонските броеви 143 400 на Македонски Телеком и А1.
· За донации на средства во странска валута:
NAME OF THE ORGANIZATION: RED CROSS OF THE REPUBLIC OF NORTH MACEDONIAN
BANK NAME: KOMERCIJALNA BANKA AD SKOPJE
BANK ADDRESS: UL. ORCE NIKOLOV NO.3, 1000 SKOPJE, MACEDONIA
BANK ACCOUNT: 300000000000133 25730522-11
SWIFT CODE: KOBSMK2X
IBAN CODE: MK07300701000001228
Правините субјекти и физичките лица освен финансиска помош можат да донираат и материјални добра согласно приложената листа на потреби за помош на настраданото население, упатена од страна на Турската држава и Турската Црвена полумесечина: Зимски семејни шатори, ќебиња, греалки на струја/плин, церада (постилка за на земја), церада (зимска), вреќи за спиење, столици на расклопување (се претвора во кревет), креветчиња на расклопување, фенер на соларно напојување, кујнски сетови, храна и средства за хигиена ( според стандардите за хуманитарна помош).
Црвениот крст потсетува дека задолжително сите донирани артикли да бидат нови. Приоритет да се става на (зимски семејни шатори, церади, вреќи за спиење, ќебиња).
Фото: EPA-EFE/ABIR SULTAN