Црн викенд во Македонија за три дена од пандемијата, 130 семејства ги изгубија своите најблиски.
Здравствените експерти сметаат дека сме длабоко навлезени во третиот пик на пандемијата и предупредуваат дека бројот на починати ќе биде уште поголем.
Министерот за здравство Венко Филипче потврди дека многу хоспитализирани пациенти се со тешка форма, со манифестација на белите дробови и крвта, каква, како што рече, колегите од пулмологија и инфективна медицина досега не виделе и кај нив нема одговор на терапијата. За зголемениот број на млади лица кои умираат иако немаат никакви хронични болести, Филипче вели дека вакви случаи има и во Европа и дека кај дел од младите состојбата се влошува за неколку часа.
Вкупната бројка на КОВИД-дијагностицирани лица во нашата земја од почетокот на епидемијата изнесува 134.867, бројката на оздравени пациенти е 109.297, на починати е 3.940, а бројот на активни случаи изнесува 21.630.