Националната опера и балет на Република Северна Македонија вечерва од 19.30 часот на Големата сцена на Народниот театар во Белград гостува со делото „Госпоѓиците од Авињон“, во кореографија и режија на Олга Панго. Во оваа прилика српската публика ќе види балет во девет слики, со врвна авторска и соло екипа; музиката ја компонираше македонската пејачка Калиопи Букле, а либретото и драматургијата ги напиша Сашо Димоски, кој ја демистифицираше познатата истоимена слика на Пабло Пикасо. Балерините со музика и кореографија ќе ги оживеат судбините на главните женски ликови во животот на Пабло Пикасо, шпанскиот сликар.
Кореографката Олга Панго истакнува дека жанровски како основа бил користен класичниот балет, но дека претставата има и модерна, современа нота. Во делот се Александра Мијалкова, Мими Поп-Алексова Атанасовска, Ивана Коцевска, Саша Евтимова, Христина Накевска, Мирослав Митрашиновиќ, Балаш Лоцеј, Агим Бафтии и Ендрју Кук. Костимограф е Рада Василев, а за мултимедија и дизајн на претставата беше задолжен Емил Петров. Премиерата на балетот „Госпоѓиците од Авињон“ се одржа на 9 март минатата година во Скопје.
– Овој балет се базира на драмскиот текст „Госпоѓиците од Авињон“ на Саша Димоски, со кој со присуство на композиторката Калиопи успеав да ја креирам кореографијата. Почнувајќи од слика на Пикасо, создаден е перформанс инспириран од животот, љубовта и неговата уметност на сликарот. Со неа досега сме биле на турнеја во Битола, Велес и Куманово, но и во Софија и Пловдив во Бугарија – изјави Олга Панго, балерина, кореограф, педагог и уметнички директор на Националната опера балет и Балетот на Република Северна Македонија од Скопје, за Политика.
Олга Панго долги години беше солист во Македонската опера и балет, потоа педагог, корепетитор и кореограф, основач на балетски друштва, член на жири на големи фестивали и натпревари во светот. Дипломирала и магистрирала на Академијата за музика и балет во Пловдив. Направи значајни улоги како солист, создаде голем број кореографии и освои значајни награди.