Македонските репрезентативци со црни дресови посветени на ужасната трагедија во Кочани

Македонската фудбалска репрезентација на теренот во Вадуз, Лиштенштајн на загревањето истрча со црни тренинг-дресови со кои искажаа почит и сочувство за жртвите од катастрофалната несреќа во Кочани. На нив ги има бројките 16, 3 и 25, што го симболизира датумот кога се случи големата трагедија кога животот го загубија 59 млади лица.

Нашите најдобри фудбалери на натпреварот ќе настапат со црни дресови, а предвидено пред почетокот на мечот да има и една минута молк во спомен на настраданите.