Во СВР Велес синоќа во 21:40 часот било пријавено дека на улица „Вардарска“ во Велес, мопед „џонвеј“ со велешки регистарски ознаки, управуван од малолетник, удрил во тротоар и паднал на коловозот. Како што информираа денеска од СВР Велес, во несреќата со тешки телесни повреди се здобила малолетна сопатничка, а возачот на мопедот се здобил со телесни повреди, констатирани во болница во Велес.
Увид на местото извршила увидна екипа од СВР Велес.
Малолетната 16-годишна сопатничка на мопедот во Ургентниот центар на велешката Општа болница со возило на Итна помош била донесена околу 22 часот. По направената компјутерскатомографија на глава дежурниот тим на лекари констатирале повреди на главата и фрактура на носна коска.
Поради сериозноста на повредите со медицинско возило од болницата била однесена на понатамошно лекување во Клиничкиот центар „Мајка Тереза“ во Скопје.