Маричиќ нема да оди во Благоевград: Кога ќе се отвори официјален културен центар, сите ќе бидеме таму

од Nikola Popovski

Вицепремиерот за европски прашања, Бојан Маричиќ информира дека нема да присуствува на отворањето на клубот „Никола Вапцаров“ во Благоевград.

-Нема одам јас, ниту владина делегација, ниту делегација на СДСМ. Мислам дека имаме зацртано пат за отворање на официјален културен центар во Благоевград и ќе го тераме тој институционален пат и тогаш кога ќе се отвори тој клуб, ќе бидеме сите таму. Ова во недела е приватна иницијатива, секој има право, не е никаков проблем, рече Маричиќ во емисијата „Студио 10“.

Тој појасни дека се уште немаат информација кој стои позади иницијативата во Благоевград и кој е нејзината цел.

-Сметам дека е подобро преку институциите да ги водиме работите. Ние веќе имаме официјален центар во Софија и да направиме таков во Благоевград. Вчера излегоа некои информации и доколку е истата иницијатива, да не забораваме дека таа беше структура која што беше жестоко против референдумот во 2018 и против Преспанскиот договор. Секој има право да си прави приватна иницијатива, но не сме ние должни да присуствуваме на секоја иницијатива. Вапцаров е ценет уметник и книжевник и не може да се спореди со цар Борис или Ванчо Михајлов, рече Маричиќ околу организаторите на отворањето на македонскиот клуб во Бугарија.

Слични содржини