Поранешен вработен во „Твитер“ изјави дека новиот шеф на компанијата, Елон Маск, престојува во седиштето на компанијата откако ја купил.
„Канцелариите изгледаат како хотелски соби“, коментира поранешен вработен за Би-Би-Си.
Канцелариите на „Твитер“ во Сан Франциско се претворени во спални соби за вработените, јави Би-Би-Си. Истиот медиум објави и фотографии од кревети во канцеларии и софи кои се користат како кревети. Според фотографиите, во една од конференциските сали има будилник.
На една фотографија е прикажана соба со брачен кревет, гардероба и папучи. Поранешен вработен во „Твитер“ изјави дека новиот шеф на компанијата, Елон Маск, престојува во седиштето на компанијата откако ја купил.
NEW: The BBC has obtained pictures of inside Twitter – rooms that have been converted into bedrooms – for staff to sleep in.
The city of San Francisco is investigating as it's a commercial building. pic.twitter.com/Y4vKxZXQhB
— James Clayton (@JamesClayton5) December 7, 2022
Минатиот месец Маск испрати мејл до вработените и ги предупредил дека мора да бидат „екстремно тврдокорни“ или да ризикуваат да бидат отпуштени.
„Само извонредните перформанси ќе бидат задоволителни“, напишал милијардерот во мејл.
Одделот за градежна инспекција во Сан Франциско потврди дека ги истражува можните прекршувања околу претворањето на канцеларискиот простор во еден вид „хотел“ за вработените во „Твитер“.
Маск рече дека градските власти ги напаѓаат компаниите затоа што „обезбедуваат кревети за уморни вработени“. Маск твитна, а потоа избриша дека ќе работи и ќе спие во канцеларија додека не се поправи компанијата.
„Маск сега ги тера работниците да спијат во компанијата. Јасно е дека тој навистина не се грижи за луѓето кои работат за него“, изјави сенаторот од Калифорнија, Скот Винер.
Официјален претставник на градското одделение за градежна инспекција во Сан Франциско рече дека тие мора да се уверат дека зградата се користи како што е предвидено.
„Блумберг“ објави дека и вработените во „Тесла“ и другите компании на Маск кои работат на Твитер спијат во собите на „Твитер“ и таму имаат состаноци.