Синот на поранешниот претседател на Бразил, Жаир Болсонаро, Едуардо Болсонаро и британскиот десничар Најџел Фараж, се само дел од истакнатите странски политичари и јавни личности кои ги следат изборите за претседател на Соединетите Американски Држави на Мар- а-Лаго, имотот на Доналд Трамп во државата Флорида во САД, пишува АП.
Болсонаро на социјалната мрежа Икс објави фотографија со Доналд Трамп помладиот и тврди дека „во добро друштво“ навива за кандидатот на Републиканската партија на изборите.
🇺🇸 Torcendo em boa companhia!
Goooooo @realDonaldTrump pic.twitter.com/WrghKFyOSO— Eduardo Bolsonaro🇧🇷 (@BolsonaroSP) November 6, 2024
Истовремено, Фараж на социјалните мрежи објавува содржини од Мар-а-Лаго.
Donald Trump is going to win.
— Nigel Farage MP (@Nigel_Farage) November 5, 2024
Покрај двајцата, во Мар-а-Лаго се и милијардерот Илон Маск и поранешниот телевизиски известувач на „Fox News“.
„Гем, сет, меч“, напиша Илон Маск на социјалната мрежа „Х“ во 4.32 часот.
Доколку Трамп освои втор мандат во Белата куќа, Маск би можел да одигра клучна улога во обликувањето на новата насока на американската влада.
Маск, извршен директор на „Tesla“ и „SpaceX“ и сопственик на платформата X (поранешен „Twitter“), отворено изјави дека во администрацијата на Трамп би сакал да работи на намалување на бројот на федералните агенции и поедноставување на бирократијата, што смета дека е неопходно за иднината на земјата.