Во областите на Турција погодени од силни земјотреси минатата недела, спасувачките тимови се во трка со времето за да ги извлечат можните преживеани од под урнатините, и покрај предупредувањата од релевантните агенции и власти дека шансите да се случи такво нешто се многу мали. И покрај тоа, од тој дел на земјата продолжуваат да пристигнуваат неверојатни сцени. По 167 часа, маж е спасен од под урнатините во градот Антакија, во провинцијата Хатај, јавува Си-Ен-Ен Турк.
На социјалните мрежи утрово кружи видео, а кое го пренесоа локалните медиуми, покажува како спасувачите извлекуваат маж, по што тој се прегрнува со нив.
Enkazın altından 167 saat sonra yürüyerek çıkan bir depremzede. pic.twitter.com/TFsr1r7z8W
— Sertac Aksan (@AksanSertac) February 13, 2023
Претходно во неделата, 55-годишна жена беше извлечена од урнатините по 159 часа, додека 85-годишна жена беше спасена по 152 часа заробена во, како што опиша нејзиниот внук, празнина од околу 30-40 сантиметри, пренесува Си-Ен-Ен Турк.
Две лица, еден 25 годишен Сириец и едно дете беа спасени во Хатај околу 151 и 152 часа по земјотресот, соопштија локалните власти во неделата.
Еден човек бил спасен откако тимовите за итни случаи откриле звуци под урнатините додека вршеле звучно истражување во урнатините на станбена зграда во Антакија, соопштија локалните власти.
Технологијата ја користеа и тимовите за да го пронајдат детето, чија возраст не беше објавена.
Најмалку 41 лице беа спасени од урнатините во Турција помеѓу 141 и 163 часа по земјотресот, објави утрово државната новинска агенција Анадолу.