Демократскиот пратеник од Вирџинија, Гери Коноли, рече дека маж со метална палка влегол во неговата канцеларија во Ферфакс во понеделникот и нападнал двајца вработени, удирајќи еден во главата. Тој додаде дека повредените вработени се пренесени во болница со повреди кои не се опасни по живот.
Полицијата го идентификуваше напаѓачот како 49-годишниот Ксуан Ка Тран Фам од Ферфакс.
„Во овој момент не е јасно кој бил мотивот на осомничениот“, соопштуваат оттаму.
Си-Ен-Ен разговараше со таткото на напаѓачот, кој рече дека Фам боледува од шизофренија, а три месеци не ги земал лековите и дека претходно бил обвинет за напад, но обвинението потоа било отфрлено.
Коноли наведува дека во моментот на нападот бил на церемонија на сечење лента и дека на полицијата ѝ биле потребни околу пет минути за да одговори на повикот за помош.