Мерките и вакцинацијата даваат резултати во Шпанија

од Vladimir Zorba

Строгите епидемиолошки мерки и вакцинации почнаа да даваат резултати во Шпанија, една од петте земји најпогодени од пандемијата на коронавирусот во Европа.

Месечниот број на жртви во април падна на најниско ниво од минатото лето.

Во текот на април, регистрирани се помалку од 3.000 смртни случаи како резултат на Ковид-19, што е најмал број во последните шест месеци, а тоа, според лекарите, дава надеж дека е започнат одржлив пат на победа над короната.

Министерството за здравство на Шпанија објави дека минатиот месец починале 2.757 лица, со проценка дека тој помал број е резултат на почитување на епидемиолошките мерки, но и вакцинација.

Досега се извршени околу осум милиони вакцинации во Шпанија.

Вакцинацијата полека се забрзува, а секоја недела се бележат два милиони вакцинации, двојно повеќе од пред еден месец.

– Ширењето на вирусот останува на високо ниво, но повеќето од ризичните групи се заштитени со вакцината – рече Хозе Луиз Алфонсо, професор по превентивна медицина и јавно здравје на Универзитетот во Валенсија.

Тој посочи дека се забележуваат помал број на хоспитализации на постари граѓани, кои доколку се разболат имаат полесна форма.

Елена Ванеса Мартинез, претседател на шпанското здружение за епидемиолози, исто така рече дека земјата е на добар пат.

Посочи дека не се осмелува да каже дека борбата е при крај, бидејќи пандемијата, секогаш кога граѓаните ќе почнат да се чувствуваат безбедно, се засилувала.

Експертите посочуваат дека има уште многу да се стори за да се победи пандемијата, бидејќи е потребна имунизација на 70% од населението за стекнување на имунитет на стадото, а според сегашната брзина на вакцинација, тоа би се постигнало само на крајот на летото.

Инаку, во Мадрид строго се почитуваат епидемиолошките мерки.

Граѓаните носат маски на улиците, а скоро е невозможно да се види некој без заштитна маска.

На места каде што има поголема фреквенција на луѓе, поставени се дигитални предупредувања за почитување на растојанието и обврската да носат маска дури и на отворено.

Градот, и покрај тивките мерки, е многу жив, полн со луѓе на улиците и во кафулињата.

Исто така, живо е во продавниците, кои работат речиси непречено, истовремено почитувајќи ги епидемиолошките мерки, како што е бројот на клиенти што може да се најдат истовремено во објектот.

Во кафулињата граѓаните не носат маски на масата, но штом ќе станат од својата маса, веднаш ја ставаат.

Вработените во угостителските објекти, пак, носат маски цело време, како и продавачите во продавниците.

Епидемиолошките мерки, како што може да се види од примерот на Мадрид, не влијаат на животот во еден град, и благодарение на нив, судејќи според бројките, особено на починатите, кои се речиси преполовени во Мадрид, резултатите може да се видат.

Патем, во Мадрид денес се одржуваат локални избори, притоа почитувајќи ги строгите епидемиолошки мерки.

loading...

Слични содржини