Колни возила утрово се упатија кон Грција. Според информациите од АМСМ, на граничниот премин Богородица се чека околу 45 минути, а снимките од надзорните камери прикажуваат редици од автомобили и камиони во застој.
Топлото време и температурите над 40 целзиусови степени поттикнаа голем број граѓани да ја напуштат земјата и да се упатат кон туристичките дестинации.
На останатите гранични премини од македонска страна, нема поголеми задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.