Христијан Мицкоски во заложништво на Димитар Апасиев, нема храброст да одговори на јавно поставени прашања, па затоа нарачува одговори од неговите извршители како што е дезертерот Драган Ковачки, обвинија утрово од СДСМ.
Владеачката партија побара од лидерот на ВМРО-ДПМНЕ да одговори на неколку прашања:
-Дали на средби со домашни и странски политичари им велел дајте ми власт и ќе го сменам Уставот? Од кого се барал власт Мицкоски за да го смени Уставот, прашаа од СДСМ.
Пратеникот од ВМРО-ДПМНЕ, Драган Ковачки реагираше на ваквата објава и порача дека „народот е тој кој бира и дава и народот е тој кој зема на избори, а не странските политичари“.
Храброста, додава Ковачки, можеше да ја покажеш тогаш кога беше најпотребно, порача пратеникот обраќајки му на премиерот Димитар Ковачевски.
Премиерот и претседател на СДСМ синоќа на трибина во Куманово го повика претседателот на ВМРО-ДПМНЕ да одговори дали бара од странски политичари да му помогнат да дојде на власт, а кога тоа ќе се случи ќе го смени Уставот.
-Дали на странските политичари кои доаѓаат во државата, вклучитечлно и на домашните политичари, на состаноците што ги има со нив им вели: “Дајте ми власт и ќе го сменам Уставот“ Нека одговори па нека чујат и странците и нашите граѓани, истакна Ковачевски.