Претседателот на ВМРО-ДПМНЕ, Христијан Мицкоски синоќа порача дека ќе си одговара секој кој се огрешил пред законот без оглед на се. Тој во гостувањето на „360 степени“ на МРТ рече дека во моментов „немам друга алатка освен зборот и треба да се верува на зборот и треба да се верува на зборот и желбата тоа да се направи“.
Во однос на проверка на имотот и целосната состојба и имотот на судиите, Мицкоски истакна дека сето тоа ќе се направи со мечирање на податоците од неколку институции.
Додаде дека, поради националното и државното единство, тој во еден момент ги повика дури и Социјалдемократскиот сојуз за и тие да покажат капацитет и да испратат порака против ДУИ до нивните симпатизери и членови, што за жал, беше одбиен од Димитар Ковачевски и од Стево Пендаровски.
Мицкоски очекува опозициските партии да одговорат дали ќе повикаат, односно ќе дадат совет до своите поддржувачи во вториот круг да го дадат својот глас за Гордана Силјановска Давкова и конечно да има обединување против оваа власт. Мицкоски посочи дека ова го очекува од сите кандидати кои се претставува како антивладини, односно покрај Максим Димитриевски, и од Арбен Таравари и од Билјана Ванковска и од Стевчо Јакимовски.
Во однос на изборните резултати на 8 мај, лидерот на ВМРО-ДПМНЕ истакна дека очекува убедлива победа и дека според гласовите освоени во првиот круг од претседателските избори, ВМРО-ДПМНЕ би имала 53 пратеници, додека после вториот круг претседателски избори и прв круг парламентарни, очекува ВМРО-ДПМНЕ да освои над 55 пратеници.