Премиерот Христијан Мицкоски истакна дека владината коалиција е стабилна и дека пратеникот Антонио Милошоски е дел од неговиот најблизок периметар. Вели дека има одлична соработка со него и тоа е додадена вредност во рамките на пратеничката група и партијата.
-Знам со какви проблеми се соочил министерот Игор Филков и знам каква состојба затекнал. На дневна основа се координираме и соработуваме во делот на реформите. Можам да заклучам и се надевам дека ќе застане на два лични ставови е дека секој има право на лош ден и се надевам дека тој лош ден заврши и за едниот и за другиот, кажа премиерот за вчерашните спротивставени изјави на пратеникот и министерот за правда, при денешното отворање на фабриката на странската инвестиција „Магна мехатроникс“ во ТИРЗ Штип.
Тој беше дециден дека нема чувство за проблеми со коалицијата ВЛЕН. Напротив, како што вели, имаме исклучително квалитетна соработка. Неофицијално, според Мицкоски, имаат две-третини во Собранието.