Тимот на Милан подготвува сериозен трансфер удар за следното лето. „Росонерите“ ја разгледуваат можноста да го привлечат во составот напаѓачот на Рома, Един Џеко, кој покажува доста силни натпревари во дресот на „волците“, соопштува „Tuttosport“.
Гигантот од Милано ќе се обиде да го засили нападот на тимот и играч со карактеристиките на босанскиот офанзивен играч изгледа најсоодветен за шемата на Џенаро Гатузо.
Во изминатото лето „црвено-црните“ го зедоа во составот португалскиот напаѓач Андре Силва, кој се уште не успева да се аклиматизира на италијанскиот фудбал и често останува на клупата за сметка на Патрик Кутроне.
Ова не е прв пат, во кој името на Џеко е поврзано со напуштање на „волците“. Во јануари, Челзи беше многу блиску до тоа да парафира со Бошњакот, но несогласувањата меѓу двата клуба ги лишија „сините“ од сличен трансфер.