Милошоски: Нема да примам попишувач, доколку истиот не покаже книшка дека е вакциниран против Ковид-19!

„Како родител на 5 малолетни деца, како сопруг и човек кој според Закон за време на кризна состојба и епидемија е должен да го штити здравјето на најблиските, своето и здравјето на другите, нема да примам попишувач, доколку истиот не покаже книшка дека е вакциниран против Ковид-19!“, пишува пратеникот од редовите на опозициската ВМРО-ДПМНЕ, Антонијо Милошоски.

Во последните 24 часа се направени 4.096 тестирања, а регистрирани се 1347 нови случаи на КОВИД-19. Пријавени се вкупно 17 починати лица, на возраст од 23 –90 година и тоа: 8 пациенти од Скопје, од Прилеп – 2, и по едно починато лице е пријавено од Штип, Кочани, Куманово, Охрид, Кичево, Крива Паланка и Виница.

Регистрирани се 451 оздравени пациенти.