Мишел Обама освои Греми, но не се појави на доделувањето

Поранешната прва дама на САД, Мишел Обама, ја освои наградата Греми за најдобра нарација за аудио книгата „Светлината која ја носиме: Надминување во неизвесни времиња“.

Ова е нејзина втора награда Греми, а сега има ист број награди како и нејзиниот сопруг Барак Обама.

Мишел Обама не се појави на доделувањето на наградите, па не ѝ беше врачена лично наградата на церемонијата.

Во истата категорија беа номинирани Мерил Стрип, сенаторот Берни Сандерс, Вилијам Шатнер и Рик Рабин.

Станува збор за нарација на нејзината автобиографија во која пишувала за нејзините навики, практики, ставови и верувања.