Лидерот на ВМРО-ДПМНЕ Христијан Мицкоски и на денешната прес-конференција рече дека на разговорот со Али Ахмети што минатата недела се водеше во Собранието не се почнати преговори.
– Со Али Ахмети имавме едночасовна средба на таа средба минатата недела во Собранието. На таа средба Ахмети ме информираше дека ќе отпочне преговори со СДСМ со изговор дека тоа е партијата која победила во македоснкиот блок. Му реков дека не се согласувам со тоа и дека на кај Македонците победи ВМРО-ДПМНЕ и убедливо победи, но добро тој е политичар со искуство и му посакав среќа во преговорите. Коалицијата на ВМРО-ДПМНE има 44 ,а коалицијата на СДСМ 42 пратеника. Заедно со Беса имаат 46 пратеника. Заначи партијата ВМРО-ДПМНЕ е легитимен победник, изјави Мицкоски.
Тој потенцира дека принципите за коалицирање на ВМРО ДПМНЕ се јасни.
– ВМРО-ДПМНЕ никогаш нема да преговара од позиција на диктати и условувања. За тоа како течат преговорите кога ќе имаме нешто конкретно ќе ја информираме јавноста. Но сега ќе почекаме да видиме што договориле СДСМ и ДУИ изјави Мицкоски.