Актерката Кортни Кокс, најпозната по улогата на Моника во серијата „Пријатели“, веќе неколку пати ги изненади фановите со својот изглед. Многупати коментираа дека нејзиното лице изгледа речиси непрепознатливо поради естетски зафати.
Сега актерката зборуваше за „The Sunday Times Style“ за нејзиниот изглед и естетски корекции. Вели дека барала начин да остане млада, а подоцна зажалила затоа што зафатите на неа оставиле трага и се сметала себеси за чудна.
„Имаше време кога мислев дека се менувам и изгледам постаро. Со години се обидувам да ја бркам таа младост. Не сфаќав дека со инјекциите всушност изгледам навистина чудно и правам работи на моето лице што не би го направила сега“, рече таа.
Таа вели дека сфатила што направила дури кога блиските луѓе почнале да го коментираат нејзиниот изглед.
„Денот кога ќе сфатиш за што зборуваат твоите пријатели. Затоа што луѓето зборуваа за мене, мислам. Но дојде момент кога реков дека морам да престанам и ова е лудо“, вели актерката, која одлучила да престане со процедурите.
Сега сака да проба поприродни методи за поубав изглед.
„Преиспитувањето е интензивно, но не знам дали е поинтензивно од она што го ставам на себе. Јас сум луда по различни производи и ќе пробам сè“, вели таа.