Русија смета дека Александар Лукашенко е легитимно избран за претседател на Белорусија, изјави на прес-конференција портпаролот на рускиот претседател, Дмитриј Песков.
Според него, и луѓето кои не се согласуваат со резултатите од изборите и оние кои не ги доведуваат во прашање се „граѓани на нашата братска Белорусија“.
„Ние ги цениме и ги сакаме сите, но како што рече Владимир Путин од самиот почеток, сакаме сè во Белорусија да не се одвива во форма на неуставни процеси, туку на легален начин“, рече Песков, пренесува Спутник.
Песков објавил дека разговорот меѓу претседателите на Русија и Белорусија се одвивал приватно и дека лидерите разговарале за билатералните односи, трговската и економската соработка, како и за енергетиката.
Изјавувајќи дека разговорот бил конструктивен, долг и исцрпен, Песков потсетил дека на состанокот претходеле доста детални преговори меѓу руската и белоруската делегација, бидејќи рускиот премиер Михаил Мишустин го посетил Минск, а делегации од различни оддели, исто така, дошле од Москва во Москва.
Песков соопштил дека претседателот на Белорусија, во разговор со Путин, потврдил дека има намера да спроведе уставни реформи.
„Путин ја поддржа иницијативата на Лукашенко за спроведување на уставните реформи. Од своја страна, Лукашенко потврди дека има намера да го смени Уставот и најави дека има намера да организира соодветна работна структура и да го започне процесот на уставни измени “, прецизира Песков.
Песков потврдил дека Белорусија ќе добие нов заем од една и пол милијарда долари, од кои дел ќе бидат наменети за сервисирање на претходно позајмени средства.