Мурињо продолжува да притиска за Бajи

Тренерот на Рома, Жозе Мурињо не се откажува од идејата да го ангажира дефанзивецот на Манчестер Јунајтед, Ерик Баjи. Репрезентативецот на Брегот на Слоновата Коска е миленик на Специјалниот уште од неговото време на „Олд Трафорд“ и сега сака повторно да соработува со него, тврди стручњакот за трансфери Џанлука ди Марцио.

28-годишниот Баји долго време е резерва во Манчестер Јунајтед и клубот е склон да се раздели со него. Минатата сезона забележа само 4 настапи во Премиер лигата. Фудбалерот има договор до 2024 година со опција за продолжување на уште една година.

Желбата на Рома е да го ангажира дефанзивецот на позајмица со опција за откуп. Јунајтед би сакал директна продажба за мала сума, но можеби ќе ја прифати и понудата на „волците“.