Мутацијата се шири на Балканот: Новиот тип на ковид откриен и во Грција

Првите четири случаи на нов вид коронавирус се откриени во Грција кај луѓе кои неодамна пристигнале од Велика Британија, изјави службеникот на Министерството за здравство.

Официјален претставник кој сакаше да остане анонимен изјави дека тие лица се наоѓаат во карантин, пренесува Ројтерс.

За новата мутација на вирусот корона откриена во Велика Британија, која се прошири низ целиот свет, се смета дека е многу позаразна отколку порано.

Грција вчера влезе во построг рестриктивен режим во борбата против коронавирусот, кој ќе важи до 10 јануари.

Мерките вклучуваат полициски час од 21 до 5 часот наутро, прекинување на нарачки преку Интернет во продажните места и затворање на продавници како фризери и салони за убавина.