Товарното возило „Мерцедес“ кое беше користено за фрлање отпад пред објектите на Град Скопје, беше запленето од страна на инспекторите и полицијата и однесено на депонијата „Дрисла“. Инцидентот се случи вечерта на 28 мај, кога група од 30 до 40 лица се движеа од објектот на Владата кон Градскиот парк. Околу 23:20 часот, пред бараките на Град Скопје, тие со камионот исфрлија отпад на јавна површина.
Полицијата брзо интервенираше, изврши разговори со присутните и направи фотографии како доказ за прекршокот на Законот за јавна чистота. По утврдување на прекршокот, возилото беше одземено и во придружба на полициски службеници транспортирано до депонијата. Од Министерството за внатрешни работи велат дека се преземаат понатамошни мерки во врска со случајот.