МВР презема мерки: На разговор повикани лицата инволвирани во случајот во ОУ „Панајот Гиновски“

МВР попладнево соопшти дека презема мерки за расчистување на случајот во ОУ „Панајот Гиновски“ во скопската општина Бутел, од каде произлезе видео на кое се гледа како наставник тепа ученик.

-Директорката на основното училиште во скопската населба Бутел, поднесе писмено известување во врска со видеото од социјалната мрежа „Тик-Ток“, информира МВР и додава дека уште во текот на денешниот ден на разговор се повикани лицата инволвирани, а известен е и јавен обвинител.

Вознемирувачкото видео од наставник кој малтретира дете се појави вчера на социјалните мрежи.