МВР во соработка со ДЕА заплени дрога во вредност од 800.000 евра, фатен и висок полициски службеник

Министерот за внатрешни работи, Оливер Спасовски, денеска соопшти дека во голема полициска акција со Американската агенција за борба против наркотиците (ДЕА), запленета е дрога во вредност од над 800.000 евра и дека приведен е висок полициски службеник.

Сепак, Спасовски не наведе каде е запленета дрогата, ниту за кој полицаец станува збор.

„Продолжуваме заедно со нашиот стратешки партнер во неселективната борба против криминалот“, истакна министерот за внатрешни работи Оливер Спасовски.