Најмалку 56 лица ги загубија животите во САД и Канада во зимската бура

Најмалку 56 лица досега ги загубија животите во силната зимска бура која ги погоди САД и Канада за време на празничниот викенд и се уште трае, јавува Би-Би-Си.

Официјални лица соопштија дека 28 лица загинале во американската сојузна држава Њујорк, од кои повеќето во Бафало, бидејќи застрашувачката зимска бура продолжува да ја зафаќа Северна Америка.

Смртни случаи од невремето беа пријавени и во Вермонт, Охајо, Мисури, Висконсин, Канзас и Колорадо.