Благата надуеност после обилен оброк е нормално, но доколку е упорна или болна, може да биде знак за нешто посериозно. Експертите предупредуваат дека одредени симптоми покрај надуеноста бараат итна медицинска помош.
Според др. Карана Рајан, благата надуеност после јадење, особено по конзумирање на храна богата со влакна, газирани пијалоци или големи оброци, не треба да загрижува.
Сепак, нагласува дека надуеноста станува проблем кога е придружена со болка, трае долго или доаѓа со следните симптоми:
* Крв во столицата
* Дијареа
* Значително губење на тежината
Најчеста причина за надуеност е премногу гасови во цревата. Ова може да биде резултат на консумирање одредена храна или пијалоци или голтање воздух додека јадете.
Сепак, причините може да вклучуваат и дигестивни проблеми како што се:
* Запек
* Нетолеранција на храна
* Целијачна болест
* Синдром на нервозно дебело црево
Кај жените, надуеноста може да се појави за време на менструацијата или поради состојби како ендометриоза. Сепак, надуеноста која не поминува може да биде знак за нешто посериозно, како што е рак на јајници.
Знаци кои укажуваат на рак на дебелото црево
Надуеноста придружена со крв во столицата може да биде показател за рак на дебелото црево, една од најсмртоносните форми на болеста.
Главните симптоми на рак на дебелото црево вклучуваат:
* Промени во столицата – дијареа, запек или помека столица што не е нормална за вас
* Крв во столицата, која може да биде црвена или црна
* Крварење од анусот
* Често чувство дека мора да одите во тоалет, дури и ако штотуку сте направиле нужда
* Абдоминални болки
* Грутка во стомакот
* Слабеење без да се обидувате да изгубите тежина
* Чувство на умор без причина
* Анемија, која може да предизвика замор, отежнато дишење и главоболки
Неочекуваното слабеење, особено во комбинација со надуеност, треба да биде причина за посета на лекар. Ако забележите некој од горенаведените симптоми, контактирајте го вашиот лекар што е можно поскоро.