Нафтогас: Нападите ги оштетија украинските капацитети за производство на гас

Руските ракетни напади оштетија или уништија некои од постројките за производство на гас во Украина, соопшти денеска државната енергетска компанија „Нафтогас“.

Извршниот директор на „Нафтогас“, Олексиј Чернишов, изјави дека Русија извршила „масовен напад“ врз инфраструктурата на компанијата за производство на гас „Украгасдобича“ во источна Украина, пренесе „Ројтерс“.

„Во моментов знаеме за неколку објекти кои се уништени. Други претрпеле оштетувања од различен степен“, изјави директорот на „Нафтогас“.