Азербејџанската армија повторно го бомбардирала главниот град на Нагорно Карабах, Степанакерт.
Според социјалните мрежи, била погодена воена болница и две големи згради и според извештаите ова е најлошото гранатирање од почетокот на војната. Не е познато дали има жртви.
Ситуацијата во Нагорно Карабах ескалирала кон крајот на минатата недела. Двете страни меѓусебно се обвинуваат за иницирање на конфликтот. На 27 септември, Министерството за одбрана на Азербејџан објави дека вооружените сили на Ерменија гранатирале места на демаркационата линија во Карабах и дека меѓу жртвите има цивили и војници.
Fresh bombings in #Stepanakert. A military hospital and two apartment buildings have been targeted. This is the worst night since we arrived here on Sunday. #NagornoKarabakh #Karabakh #Armenia #Azerbaijan pic.twitter.com/2ME7DfH3v2
— Igor Zhdanov (@IgorZhdanovRT) October 2, 2020
Според изјавите на Министерството за одбрана на Ерменија, Карабах бил подложен на воздушни и ракетни напади. Ереван тврди дека Баку започнал офанзива во правец на Карабах.
Во непризнатата република Нагорно Карабах, објавија дека неколку места, вклучително и главниот град Степанакерт, биле подложени на артилериски оган.
Властите прогласија вонредна состојба и мобилизација во Карабах.