Две моќни експлозии во подрачјето на пристаништето го потресе либанскиот главен град Бејрут, а според првите информации, загинале најмалку 10 лица.
Не е познато што ја предизвикало експлозијата, а на снимките се гледа облак во форма на печурка што се издига над местото на несреќата.
Граѓаните се вознемирени, а според првите информации пожарот, наводно, го зафатил магацинот со пиротехнички средства, по што дошло до експлозија.
Според Би-Би-Си, видеото од местото на настанот покажува голем облак во форма на печурка и разорна детонација што направило голема штета.
A large explosion has been heard in the Lebanese capital Beirut, with thick smoke billowing from the city centre
Read more on this story here: https://t.co/27zh8LaW5n pic.twitter.com/de7BqrsN6v
— SkyNews (@SkyNews) August 4, 2020
Според неофицијалните информации, пристаништето било скоро уништено. Министерството за здравство соопшти дека болниците се подготвени да ги примат повредените, а локалните медиуми пишуваат дека голем број на луѓе се повредени, иако сè уште нема информации за можни жртви.
Beirut port is completely destroyed #Lebanon #Beirut pic.twitter.com/EPMz3RQqKy
— CNW (@ConflictsW) August 4, 2020
Според „Раша Тудеј“, втората експлозија се случила додека чадот сè уште се издигал од местото каде што се случило првата. Се чини дека и двата инциденти се случиле на истото место.
Патем, експлозиите се случија пред пресудата за убиството на поранешниот премиер Рафик Харири во 2005 година.
Трибуналот на ОН треба да донесе пресуда на судењето во отсуство на четворица осомничени во убиството со автомобил-бомба на поранешниот либански премиер.
Сите четворица се членови на иранската група Хезболах, која доследно негира каква било вмешаност во смртта на Харири.