Ако се обидувате да се храните поздраво, важно е да знаете дека одредени намирници треба да се избегнуваат за вечера.
Јадењето одредена храна може да предизвика мачнина, да ве спречи да спиете добро или да ги попречи вашите цели за слабеење, пишува Insider.
Еве кои намирници треба да ги избегнувате за вечера:
Скроб
Компирите, тестенините и оризот се примери за храна која содржи скроб која често се јаде за вечера. Сепак, нутриционистите тврдат дека овие намирници едноставно се метаболизираат во шеќер и создаваат покачен шеќер во крвта и инсулин. Ова не е добро бидејќи нема да се согорува за енергија, туку ќе се депонира како маснотии.
Зачинета храна
Зачинетата храна не е добра за вечера. Нутриционистот Карен Зи Берг изјави дека таквата храна може да предизвика мачнина, особено ако легнете да спиете по нивното консумирање.
Прости јаглехидрати
Иако јаглехидратите можат да бидат добри за вас, тие обично не се добри за јадење навечер. Нутриционистот Кирон Фостер објасни дека тоа е храна со висок гликемиски индекс, што во основа значи дека брзо се апсорбира во крвотокот.
Значи, ако не вежбате и ги користите тие шеќери како извор на гориво, тие ќе се претворат во масти и ќе се складираат во вашето тело, што ќе ја зголеми телесната тежина. Ова вклучува храна како што се компири, тестенини, пица, колачи, газирани сокови, овошни сокови, леб и разни додатоци.
Мрсна храна
Колку и да е задоволувачка мрсната храна, особено по напорниот ден, треба да одолеете на искушението да ја јадете за вечера.
Берг објасни дека оваа храна треба да се ограничи како дел од здравата исхрана, но повеќе навечер бидејќи тешко се вари и остава трага на гастроинтестиналниот тракт.
Алкохол
Нутриционистот Берг вели дека пиењето алкохол може да ве направи гладни и да копнеете за јаглехидрати. За возврат, ова може да доведе до прејадување, што само ќе ја влоши вашата ноќ.
Исто така, иако алкохолот може да ви помогне да заспиете, истражувањата покажуваат дека значително го намалува севкупниот квалитет на вашиот сон.
Чоколадо
Иако речиси сите сакаат да јадат чоколадо за десерт, Берг тврди дека содржи кофеин и може да ве спречи да заспиете.