Балкан

“Народот” не се дава, втор ден тепање за весникот “Заман”

од desk3
94 прегледи

zx450y250_2717292

Втор ден по ред полицијата во Турција користи солзавец и гумени куршуми против симпатизерите на опозицискиот весник “Заман”. Толпата од 2 000 демонстранти се собраа пред редакцијата на весникот со најголем тираж во земјата, откако властите наредија контролата да биде предадена на владата.

Судска одлука во петокот (4-ти јануари) нареди државен администратор да управува со “Заман” и за “Тудејс Заман”. Весникот е обвинет за поддршка кон планиран државен удар.

(ВИДЕО) Народ во обид да даде “вештачко дишење на демократијата”, власта со ќотек и солзавец

Одлуката беше донесена по барање на обвинителството, кое ја истражува медиумската група за терористичка активност. Меѓународните набљудувачиги нарекоа активностите како остро вмешување против слободата на медиумите.

Изданието е највлијателното и една од ретките опозициски медиуми во земјата. Тоа е поврзано со името на Фетхуллах Гулен, кого претседателот Реџеп Таип Ердоган го опиша како свој непријател број еден.

zx450y250_2717293
Според новинарите на “Заман” назначените од владата администратори обидуваат да ја избришат целата новински архива на весникот.

“Се обидуваме да го надминеме притисокот. Ќе видиме што ќе се случи. Но, не мислам дека работите ќе тргнат на подобро”, коментира новинарот од Заман Ариф Текдал.

Слики на повредени мирни демонстранти беа објавени на социјалните мрежи во профилот на изданието. Во моментов изданието нема контрола врз содржината, што се објавува на страниците, пишува уште на Твитер.

Во моментот е достапна само англиската верзија на сајтот, додека пристапот до содржините на турското издание онлајн е запрено.

“Страницата не е пронајдена. Кликни тука за да се вратите на почетокот” се прикажува при изборот на статија од почетната страница на веб-страницата на весникот.

zx450y250_2717294

“Интернет конекцијата исчезна. Лозинките не работат, вашиот пристап до системот е блокиран. Ова се случува кога владата го преземе весник”, пишува еден од новинарите на “Заман”.

Во истиот ден Европската комисија објави извештај за напредокот на Турција на акцискиот план за визна либерализација на земјата. Брисел истакна дека властите во Анкара постигнале напредок во некои од барањата, но потребни се повеќе напори во борбата против организираниот криминал и корупцијата. Активностите против медиумската слобода доаѓаат во исклучително деликатен дипломатски момент дена пред да се одржи самитот меѓу Европската унија и Турција (7-ми март), на која европските лидери ќе се потпираат на соработката на Анкара, за да биде решена бегалската криза во Европа . Досега официјална реакција од страна на европските институции недостасува. Претседателот на Европскиот парламент Мартин Шулц лично ги осуди активностите на турската влада и ги дефинира како последователен напад на слободата на медиумите.