НБА Ол-стар натпреварот ќе доживее големи промени, откако комесарот на лигата, Адам Силвер, најави нов формат во кој ќе игра тимот на САД против тим составен од најдобрите играчи од остатокот на светот.
Во новиот концепт, на едната страна би се нашле ѕвезди како Никола Јокиќ, Лука Дончиќ, Јанис Антетокумпо, Шеј Гилџис-Александер и Виктор Вембли, додека на спротивната страна ќе застанат големани како Леброн Џејмс, Стеф Кари, Кевин Дурант, Ентони Едвардс и Ентони Дејвис.
Оваа промена беше објавена во емисијата „Breakfast Ball“, каде Силвер истакна дека натпреварот ќе се емитува на телевизијата NBC, и тоа токму во денот кога започнуваат Зимските олимписки игри.
„Ол-стар натпреварот од следната сезона ќе се одржи попладне, што совпаѓа со првите олимписки настани. Смислата е да се искористи овој совршен момент кога вниманието на спортската јавност е максимално“, рече Силвер.
Со оваа новина, НБА сака да ја направи оваа традиционална игра поконкурентна и повозбудлива, со цел да го привлече вниманието на поголема публика и да го искористи медиумскиот момент за време на олимписките игри.