Портпаролот на израелските одбранбени сили Ричард Хехт изјави дека се надева дека до крајот на денот, нема да има повеќе живи терористи во Израел.
„Ние сме фокусирани и на спасување на силите каде што има тековни борби и се надеваме дека до крајот на денот нема да има повеќе живи терористи во Израел“, рече Хехт во интервју за Си-Ен-Ен.
За да се обезбеди цивилната област, специјалните сили се борат на различни локации и пожарникарите ја преземаат контролата и чистат некои области, додаде тој.
Дополнително, „десетици илјади“ израелски резервисти се повикани да помогнат откако започна офанзивата рано во саботата, нагласи портпаролот.
Палестински медиуми: Најмалку 160 лица загинаа и над илјада се ранети во воздушните напади и судири
Палестинските медиуми објавија дека од утрово се убиени најмалку 160 Палестинци, а повеќе од 1.000 се ранети.
Според болничките податоци, станува збор за жртви на нападите на израелските воздухопловни сили и судирите со израелските сили на југот на Израел, пренесоа израелските медиуми.
Исламскиот екстремистички Хамас, кој владее со Појасот Газа, рано утринава изврши напад од невидени размери врз Израел, истрелувајќи илјадници ракети додека десетици борци се префрлаа преку границата на неколку локации во јужен Израел.
Израелската спасувачка служба соопшти дека најмалку 40 луѓе загинале, и над 770 се повредени.