Дводневната посета и разговори во Рим меѓу Северна Македонија и Бугарија резултираа со затоплување на односите. Европската иднина на Македонија има перспектива, но двете држави треба да работат со уште поголема доверба и дијалог, ова е генералната поракана бугарскиот претседател Радев и претседателот Пендаровски .
„Ние треба да ги решиме прашањата во две земји, не во Брисел, ниту во Берлин, ниту во Париз. Таму на крај ќе документираме. Нема потреба од медијација. Ние сме блиски. Ако се приклучи европска земја, потребен е преведувач. Зошто би? Дали ни требаше медијатор?!“
Претседателот Пендаровски истакна дека билатералниот дијалог за решавање на спорот може да напредува само ако се заснова на меѓусебно почитување
„Тоа што сме денес со Радев заедно се случува по првпат на највисоко државно ниво, за да бидеме претставени. Сакаме да покажеме дека и на Балканот има луѓе и политичари кои можат да зборуваат со европски јазик за нашите актуелни проблеми и за нашата иднина“, вели претседателот Стево Пендаровски во заедничката посета на Ватикан со бугарскиот претседател Румен Радев.
Тој наведе дека во колегата Радев во овие два дена нашол соговорник на ист јазик.
„Се надевам дека трендот ќе продолжи. Напредок е возможен само ако во дијалогот влегуваат двајца рамноправни соговорници. Исто така, сакам да посочам дека денес направив голем компромис, јас сум постар од него, но му дадов шанса да зборува прв“, се пошегува на крај претседателот Пендаровски.