Нетанјаху: Иранскиот режим е во голема неволја, Трамп заслужува Нобелова награда

Израелскиот премиер Бенјамин Нетанјаху во интервју за „Фокс њуз“ изјави дека „иранскиот режим е во голема неволја“, а во исто време истакна дека ако некој заслужува Нобелова награда за мир, тоа е американскиот претседател Доналд Трамп.

Во интервју за американската телевизиска мрежа, Нетанјаху рече дека би поддржал договор со Иран, но без збогатување на ураниум и со други услови.

„Како што претседателот Трамп и јас велиме, без балистички ракети што можат да стигнат до вашите брегови, без балистички ракети надвор од она што е дозволено со меѓународните договори, што е до 500 километри, и без терористичка оска. Тоа се три услови, и ако Техеран се согласи на тоа, тогаш тоа е различен режим“, рече Нетанјаху, објавија денес израелските медиуми.