„Промените во Владата треба да ги каже премиерот. Јас лично не мислам дека се потребни промени по 8,5 месеци од продолжување на овој пат“, вели вицепремиерот за борба против корупцијата и криминалот, Љупчо Николовски за дневникот на ТВ Сител, одговарајќи на прашањето дали вчерашните промени во структурите на СДСМ ќе значат и промени во извршната власт.
Според него, ова се потврдило при неколку гласања во Собранието и мнозинството пратеници силно застанале зад оваа влада.
„Секој од овие министри треба да одработи уште многу во периодот што следи“, рече Николовски.
Извршната власт е бирана од Парламентот и нејзините претставници заслужија да добијат шанса. Тие се околу 8,5 месеци министри, раководители и слично имајќи во предвид дека Владата е бирана лани на први септември не би требало да има измени, порача денес премиерот и лидер на СДСМ Зоран Заев во одговор на новинарско прашање.