Николовски: За 25 месеци приклучени се нови 578 мегавати енергетски капцитети од обновливи извори нa енергија

од Stefanija Kuzmanovska
246 прегледи

Енергетските политики и мерки на СДСМ обезбедија пониски цени за граѓаните за електрична енергија но и рекордно инсталирани 600 мегавати од обновливи извори на енергија, наведе Дарио Николовски, член на ЦО на СДСМ, во Дневник 1 на МРТВ.

„За 25 месеци приклучени се нови 578,26 MW енергетски капацитети од обновливи извори и практично ова е новиот еколошки РЕК Битола кога е во прашање инсталирана моќност, но сега тоа не е струја од јаглен туку е струја доминантно од сонце, но има и од ветер, вода и биомаса“, додаде Николовски.

Тој потенцираше дека и одлуките на РКЕ околу цената на парното ќе бидат во корист на стандардот на граѓаните, а можно е и намалување на цената.

„На берзите цената на гасот е намалена, РКЕ прави анализа, па како и сите други одлуки до сега на полето енергетика и цената на парното ќе биде во корист на граѓаните, а можно е и намалување“, посочи Николовски.

„Освен намалување на сметките за струја, ја вративме и евтината тарифа, од 13 до 15 часот и на овој начин веќе околу 11 часа дневно граѓаните имаат евтина тарифа, а во времето на ДПМНЕ немаше евтина тарифа и само 16 мегавти имаа инсталирано од обновливи извори“, заклучи тој во Дневникот на МРТВ.

Слични содржини