Сите ние понекогаш имаме лош ден, но некои луѓе имаат поголема веројатност да бидат мрзливи, повлечени или тешко да најдат нешто што ќе ги расположи.
Тие едноставно полесно запаѓаат во негативна состојба, или поради превисоки очекувања, внатрешни превирања или хронично незадоволство. Според ѕвездите, ваквите луѓе најчесто се раѓаат во следните хороскопски знаци:
Шкорпија
Шкорпиите длабоко доживуваат се што им се случува, но ретко зборуваат за тоа. Нивната затвореност и сомничавост често ги оддалечува од другите, а потиснатите емоции може да се претворат во постојана напнатост. Кога се нерасположени, тешко дека нешто може да ги расположи, бидејќи ги држат своите чувства под контрола и подалеку од другите.
Јарец
Јарците се строги кон себе и кон другите, често оптоварени со одговорност и сопствени стандарди. Ако работите не одат според планот, тие лесно стануваат вознемирени или фрустрирани. Тешко се опуштаат, а радоста ја доживуваат како луксуз што не можат да си го дозволат додека сè не биде под нивна контрола.
Рак
Раковите се исклучително чувствителни и емотивно реагираат на ситници кои другите честопати не ги ни забележуваат. Кога се повредени или преоптоварени, тие се повлекуваат во себе и тешко се враќаат во позитивна состојба. Тие често се заробени во нивниот внатрешен свет, каде тагата знае да трае подолго отколку што треба.