Нов експериментален третман би можел да помогне во борбата против депресија

од Stefanija Kuzmanovska

Експерти во САД велат дека новиот експериментален третман познат како длабока мозочна стимулација (DBS) може да им помогне на речиси три милиони Американци со депресија на кои не им помагаат други третмани.

Третманот е одобрен за состојби како што се Паркинсонова болест и епилепсија, а многу лекари и пациенти се надеваат дека наскоро ќе стане подостапен за лекување на депресија.

Третманот се врши така што пациентот прима насочени електрични импулси, а голем број студии покажуваат добри резултати од овој третман.

Електродите се поврзани со жица со уред поставен под кожата во градите на пациентот, кој ја контролира количината на електрична стимулација и испорачува постојани нисконапонски импулси.

Лекарите велат дека стимулацијата помага бидејќи невроните комуницираат користејќи електрични и хемиски сигнали.

Во нормален мозок, електричната активност одекнува непречено во сите области, се чини дека DBS го „одлепува колото“, дозволувајќи му на мозокот да го направи она што вообичаено би го направил.

Некои последователни истражувања покажаа дека пациентите со депресија доживуваат стабилно, долгорочно олеснување по терапијата со DBS. Но, некои лекари се скептични, укажувајќи на потенцијални компликации како што се крварење, мозочен удар или инфекција по операција.

Американската агенција за храна и лекови (AFD) се согласи да го забрза своето разгледување на барањето на Abbott Laboratories да ги користи своите DBS уреди за лекување на депресија.

Слични содржини