Нов руски ракетен напад во Украина: Најмалку шест мртви, исклучена електрана

Русија вчера започна голем нов бран на ракетни напади ширум Украина додека луѓето спиеја, при што загинаа најмалку шест цивили, а нуклеарна централа беше исклучена од мрежата.

Тоа е првата голема рунда на ракетни напади од средината на февруари, со што заврши најдолгиот период на мир откако Москва ја започна кампањата со напади врз украинската цивилна инфраструктура во октомври.

Украинскиот претседател Владимир Зеленски изјави дека е погодена критична инфраструктура и станбени згради во десет региони.