Нов земјотрес во Романија, почувствуван и во Македонија

Нов земјотрес со јачина од 4,3 степени според Рихтеровата скала денеска ја погоди Романија, соопшти ЕМСЦ.

Според веб-страницата, земјотресот бил регистриран во 16 часот и 24 минути по локално време.

Земјотресот бил на длабочина од 10 километри, а со послаб интензитет бил почувствуван и во северниот дел од Македонија, како и во источниот дел од Србија и северниот дел од Бугарија.