Двајца спасувачи од скијачкиот центар Моријон во француска Горна Савоја загинаа утринава додека се обидувале да изведат „превентивно предизвикување на лавина“.
Како што откриваат француските спасувачки служби, несреќата се случила утринава во 8:30 часот по локално време на околу 1,800 метри надморска височина, кога двајцата спасувачи се подготвувале за намерно предизвикување на лавина, процес кој се врши пред отворањето на скијачките патеки.
Според француските медиуми кои се повикуваат на извори од истрагата, двајцата спасувачи ракувале со експлозивот во моментот кога се случила трагедијата.
Француската метеоролошка служба денес испрати предупредување за висок степен на ризик од лавини, односно четврти степен од скала до пет, поради обилните врнежи на снег во подрачјето на Савоја овој викенд.
En Haute Savoie, deux pisteurs sont morts en déclenchant une avalanche https://t.co/jBmnf3UKCs pic.twitter.com/jo7Uby6yRp
— ici (@ici_officiel) January 13, 2019
Од управата на Горна Савоја исто така предупредија дека снежната покривка ќе стане многу нестабилна во горните слоеви, со што се зголемува ризикот од лавини.