Новиот израелски премиер Нафтали Бенет го предупреди палестински Хамас дека израелското трпение е истечено и дека повеќе нема да толерира никакво насилство од таа исламистичка екстремистичка организација што владее со појасот Газа.
„Жителите на пограничните области не се граѓани од втор ред, тие заслужуваат да живеат во мир и безбедност“, рече Бенет, алудирајќи на градовите и селата во близина на појасот Газа, кои се прва цел на прекуграничните напади на Хамас.
Израелскиот лидер исто така рече дека „непријателите на Израел мора да ги разберат правилата“.
„Нема да толерираме насилство, нема да толерираме спорадичен оган и нема да толерираме отпадници“, рече Бенет во Ерусалим, на државната церемонија за убиените војници во војната во 2014 година во Појасот Газа.
Тој вети дека ќе стори се што може за да ги врати останките на двајца израелски војници, кои загинаа во таа 50-дневна војна и двајца Израелци, кои со години се притворени во Појасот Газа.
Последната 11-дневна војна меѓу израелската армија и Хамас заврши пред еден месец. Сепак, израелските борбени авиони во четвртокот извршија воздушни напади врз цели на Хамас во појасот Газа, како одмазда за лансирање балони со запалив материјал во јужен Израел, три дена по ред.
Говорејќи на истата церемонија, израелскиот министер за одбрана Бени Ганц, кој беше началник на Генералштабот за време на војната во 2014 година, рече дека е време да се претвори она што војската го постигнала за време на мајскиот конфликт во дипломатска добивка, за да се осигура дека „повеќе нема биде тоа што беше “.
Израел, наводно, му дал сигнал на Хамас дека е подготвен да ги продолжи непријателствата по конфликтот од 10 до 21 мај, бидејќи екстремистите во Газа продолжуваат да го кршат суверенитетот на еврејската држава.
Размената на оган продолжи за време на ќор-сокакот на индиректните преговори меѓу Израел и Хамас за зајакнување на примирјето и потенцијалната размена на затвореници со посредство на Египет, пренесуваат израелските медиуми.