Денес новоизгласаните членови на Државната изборна комисија ќе дадат свечени изјави пред претседателот на законодавниот дом, Талат Џафери.
Познато е дека претседател на ДИК во следниот мандат ќе биде Александар Даштевски, а потпретседателка на ДИК, Дитмире Шеху. Дел од комисијата се Борис Кондарко, Радица Ристеска, Оливер Ристовски, Бобан Стојановски и Кренар Лога.
Инаку, денес завршува и официјално мандатот на претходниот комискиски состав, а со истиот раководеше Оливер Дерковски, додека позицијата заменик претседател ја предводеше исто како и во новиот состав, Дитмире Шеху.
Новиот состав на ДИК беше избран со консензус на 31-та собраниска седница во вторникот. Првиот предизвик на овој состав на ДИК е организирање на локалните избори што треба да се одржат наесен.