Новиот менаџер на Манчестер Јунајтед – Рубен Аморим откри дека не го завршил средното образование. Го напуштил училиштето во 11-то одделение кога имал само 17 години.
„Јас и мајка ми имавме договор дека ќе одам на училиште додека не потпишам професионален договор“, изјави Аморим за португалскиот весник „Експресо“.
На 17-годишна возраст, менаџерот стана фудбалер на Белененсес, а потоа помина низ Бенфика, Брага и катарски Ал-Вакра.
„Денес многу ми е жал. Да полагав тогаш, можев да завршам 12-то одделение. И да се запишам на добар факултет“, рече Аморим.
Не крие дека токму неговата необразованост е причина за потсмевот од неговата… сопруга. Од 2013 година Рубен е во брак со Марија, со која имаат две деца. Г-ѓа Аморим работи во дизајн на ентериер, имајќи своја компанија заедно со Ракел – нејзина пријателка и сопруга на спортскиот директор на Спортинг Лисабон, Хуго Виана.
„Мојата сопруга е електроинженер. Секој ден ме исмејува и инсинуира дека не сум завршил училиште“, низ насмевка се пожали менаџерот на Јунајтед.
Аморим треба да дебитира на чело на „црвените ѓаволи“ на 24 ноември кога тимот ќе игра против Ипсвич. Јунајтед моментално е на 13. место во Премиер лигата.