Кортизолот, често познат како „хормон на стрес“, игра клучна улога во одговорот на телото на стрес. Кога сме под стрес, нивото на кортизол се зголемува, подготвувајќи го телото за одговор „бори се или бегај“.
Сепак, хроничниот стрес и постојано покаченото ниво на кортизол може негативно да влијаат на здравјето, што доведува до проблеми како што се зголемување на телесната тежина, анксиозност и дигестивни проблеми.
Одредена храна и видови храна може да го влошат овој процес со предизвикување флуктуации на нивото на шеќер во крвта, промовирање на воспаление или дополнително стимулирање на производството на кортизол.
Нутриционистката Миранда К. Смит идентификувала три такви намирници кои треба да ги избегнуваме бидејќи го зголемуваат нивото на кортизол во крвта.
1. Преработени јаглехидрати
Преработените јаглехидрати, како белиот леб, колачи и слатки закуски, „брзо се разградуваат во шеќер, предизвикувајќи скок на нивото на гликоза во крвта“, вели нутриционистот за SheFinds. Овој ненадеен скок е проследен со ненадеен пад, што може да доведе до чувство на раздразливост, замор и стрес.
2. Пржена храна
Пржената храна често е богата со нездрави транс масти и омега-6 масни киселини, кои можат да го зголемат воспалението во телото. Смит објаснува дека хроничното воспаление се смета за стрес за телото, а за да се справи со него, телото ослободува кортизол, примарен хормон на стрес. Пржената храна е исто така масна и тешка за дигестивниот систем, што може да предизвика надуеност, варење и непријатност.
3. Пресолена храна
Храната богата со сол може да доведе до задржување на течности, принудувајќи го телото да го задржи вишокот вода. Ова може да предизвика „состојба на дехидрација или електролитен дисбаланс“, вели нутриционистот, што телото го доживува како стрес. Како одговор, телото ослободува кортизол за да го регулира балансот на течности и да го одржува крвниот притисок, што дополнително може да го зголеми нивото на стрес.
Избегнувањето на овие видови на храна може да помогне да се намали нивото на стрес и да се одржи рамнотежата на хормоните.